( ویب ڈیسک )پاکستان کرکٹ ٹیم کے سابق کپتان اور معروف کرکٹ تجزیہ کار راشد لطیف نے مستقبل میں سیاست میں آنے کا عندیہ دے دیا۔
راشد لطیف سے سوال کیا گیا کہ اگر وہ الیکشن میں حصہ لیں تو کس جماعت کے ٹکٹ پر میدان میں اتریں گے، اس پر انہوں نے کہا کہ اگر وہ کبھی الیکشن لڑنے کا فیصلہ کرتے ہیں تو ایم کیو ایم سے الیکشن میں حصہ لیں گے۔
جب ان سے سوال کیا گیا کہ الیکشن میں کب کھڑے ہوں گے تو ان کا کہنا تھا کہ ریٹائرمنٹ کے بعد الیکشن میں کھڑا ہوں گا۔
کبھی الیکشن میں کھڑا ہوا تو ایم کیوایم سے کھڑا ہوں گا وہ بھی اس ایم کیوایم سے۔۔۔ سابق کپتان راشد لطیف کا سوال پر جواب pic.twitter.com/S2wuhMCzrH
— Shahid Hussain (@ShahidHussainJM) March 15, 2026
واضح رہے کہ اس سے قبل سابق کپتان نے انکشاف کیا تھا کہ وہ 22 اگست 2016 کو مستقل طور پر کراچی سے اسلام آباد منتقل ہو گئے تھے اور اب وہ کراچی کو یاد بھی نہیں کرتے۔
راشد لطیف نے کہا کہ انہیں اسلام آباد زیادہ پسند ہے۔ انہوں نے کراچی کے حوالے سے بات کرتے ہوئے کہا کہ شہر میں رہائشی اور کھیلوں کے مسائل سنگین ہو چکے ہیں۔ ان کا کہنا تھا کہ جب کراچی میں سب لوگ ڈی ایچ اے میں منتقل ہو گئے ہیں تو ملیر جیسے علاقوں کے لوگ کہاں جائیں؟
انہوں نے کہا کہ ایک وقت تھا جب کراچی اور لاہور کو کرکٹ کی نرسریاں کہا جاتا تھا مگر اب صورتحال بدل چکی ہے۔ گراؤنڈز ختم کیے جا رہے ہیں اور ان کی جگہ ہاؤسنگ سوسائٹیز بنائی جا رہی ہیں۔
Leave a Reply