(24نیوز) فن ایلن نے آج کلکتہ میں آئی سی سی ٹی توینٹی ورلڈ کپ کی ہسٹری میں تیز ترین سینچری بنا دی۔ آج یوں لگتا تھا کہ فن ایلین پہلے ہی سوچ کر آئے تھے کہ فاسٹ کرکٹ فارمیٹ میں تیز ترین بیٹنگ کا نیا صفحہ لکھ کر ہی واپس آنا ہے۔
دیکھنے والوں کو یہ ہی لگا کہ آج ایلن ایک مشن پر تھا کیونکہ اس نے ساؤتھ افریقہ کے بہترین باؤلرز کو بچوں کی طرح ٹریٹ کیا، کسی کا دباؤ نہیں لیا، ایسے امیزنگ شاٹ کھیلے کے کرکٹ کو جاننے والے ان کی ہر شاٹ کو ری پلے کر کے دوبارہ دیکھنے کی حسرت کرتے رہے۔
ایلین نے صرف 33 گیندوں پر ناقابل شکست 100 رنز بنائے۔ آج جو ہوئی یہ دراصل مردوں کے T20 ورلڈ کپ میں تیز ترین سنچری تھی۔
نیوزی لینڈ اتوار کو دوسرے ٹی ٹوئنٹی ورلڈ کپ کا فائنل کھیلے گا تو فن ایلن کے ساتھ ٹم سیفرٹ کو ایک بار پھر موقع ملے گا کہ اس ریکارڈ کو کچھ اور بہتر بنانے کی سعی کریں۔
یہ جاننا دلچسپ ہو گا کہ آج کی سینچری کرنے کے بعد فن ایلن ٹی توینٹی ورلڈ کپ کے ٹاپ سکورنگ بیٹس کی لسٹ میں صاحبزادہ فرحان نے 94 رنز پیچھے رہ گئے ہیں۔ ٹم سیفرٹ بھی آج ٹاپ فائیو بیٹس کی لسٹ میں واپس آئے لیکن وہ صاحبزادہ فرحان سے 109 رنز پیچھے ہیں۔
ایلن اور سیفرٹ کے پاس اس ٹی ٹوینٹی ورلڈ کپ کا ٹاپ بیٹ بننے کے لئے اب صرف ایک چانس ہے اور ٹارگٹ بہت بڑا ہے۔ آخر صاحبزادہ کی جگہ لینا ہے، یہ کوئی مذاق تو نہیں۔
Leave a Reply