( ویب ڈیسک )فٹبال کے عالمی اسٹار اور پرتگال کے لیجنڈ کرسسٹیانو رونالڈو کی منگیتر جارجینا روڈریگز نے انسٹاگرام پر ایک نئی پوسٹ کے ذریعے سوشل میڈیا پر خاص توجہ حاصل کی ہے۔
پوسٹ میں جوڑے کو ایک نایاب بگاٹی سپر کار کے ساتھ دیکھا جا سکتا ہے جس کی قیمت کئی ملین ڈالر ہے جبکہ دونوں کی کلائیوں پر لگژری گھڑیاں بھی نظر آئیں جس سے تصویر کا شاہانہ انداز مزید اجاگر ہوا۔
تاہم سب سے زیادہ توجہ روڈریگز کی ہیرے کی شاندار انگوٹھی پر مرکوز رہی جو پہلی بار اگست 2025 میں منگنی کے اعلان کے وقت منظر عام پر آئی تھی۔
یہ انگوٹھی اب بھی ان کی سوشل میڈیا پوسٹس میں نمایاں ہے اور دنیا بھر میں مشہور سیلیبریٹی زیورات میں شامل ہے۔ beIN Sports کے مطابق اس انگوٹھی کی قیمت تقریباً 10.9 سے 13 ملین ڈالر کے درمیان ہے۔
تصویر میں دکھائی گئی دیگر لگژری اشیاء سمیت مجموعی اثاثوں کی قیمت ماہرین اور مداحوں کے مطابق تقریباً 20 ملین ڈالر یا اس سے زائد ہے۔
جارجینا روڈریگز جن کے انسٹاگرام پر 72 ملین سے زائد فالوورز ہیں وہ باقاعدگی سے اپنی لگژری طرزِ زندگی کی جھلکیاں شیئر کرتی رہتی ہیں۔
Leave a Reply