(ویب ڈیسک)لاہور قلندرز کے سکندر رضا نے میڈیا سے گفتگو کرتے ہوئے کہا کہ اچھا ہوا میں جلد پاکستان آ گیا موسم سے ہم آہنگ ہو گیا ہوں اتنی سردی کی توقع نہیں تھی ۔
تفصیلات کے مطابق سکندر رضا کا کہناتھا کہ دعا کر رہا ہوں جلد حالات ٹھیک ہوں اور کراوڈ کی واپسی ہو کراوڈ کے بغیر مزہ نہیں آتا ، ہمارے تین چار پلئیرز ریلیز ضرور ہوئے ہیں لیکن تین چار ایسے بھی آئے ہیں جن پر ہماری نظریں تھیں ، ہماری بنچ اسٹرنتھ بہت اچھی ہے جس کا فائدہ ہو گا ، ہم پہلے بھی ٹائٹل کا دفاع کر چکے ہیں کوشش ہو گی اور مجھے یقین بھی ہے کہ ہم دفاع کر سکتے ہیں ۔
انہوں نے کہا کہ میرا لاہور قلندرز سے یہی تعلق ہے کہ میں لاہور قلندرز ہوں اور لاہور قلندرز میں ہوں ، میں محنت پر یقین رکھتا ہوں اور پروفیشنل انداز میں آگے بڑھتا ہوں ، کراوڈ کو مس کریں گے ان سے درخواست ہے کہ وہ ہمارے لئے دعا کریں ہم ان کے لیے دعا کریں گے کہ جلد سٹیڈیم آئیں۔
Leave a Reply