رونالڈو ’’فاسٹ اینڈ فیوریس‘‘ کا حصہ بن گئے

(24 نیوز) سٹار فٹبالر کرسٹیانو رونالڈو سے متعلق ہالی ووڈ اداکار وان ڈیزل نے دعویٰ کیا ہے کہ وہ بہت جلد مشہور سیریز ’فاسٹ اینڈ فیوریس‘ جوائن کرنے والے ہیں۔

انسٹاگرام پر وان ڈیزل نے ایک تصویر شیئر کی جس میں ان کے ہمراہ پرتگالی سٹار فٹبالر کرسٹیانو رونالڈو بھی دکھائی دے رہے ہیں۔

پوسٹ کے کپشن میں ہالی ووڈ اداکار نے لکھا سب نے مجھ سے یہی پوچھا کیا رونالڈو مشہور سیریز فاسٹ اینڈ فیورس‘ کا حصہ بننے جارہے ہیں؟

وان ڈیزل نے دعویٰ کیا کہ میں آپ کو بتانا چاہتا ہوں کہ ہاں وہ واقعی خاص ہے اور ہم نے عالمی شہرت یافتہ فٹبالر رونالڈو کے لیے ایک کردار لکھا ہےجس پر وہ اداکاری کر رہے ہیں۔

دوسری جانب خود کرسٹیانو رونالڈو نے بھی اس حوالے سے اب تک کسی قسم کی تصدیق یا تردید نہیں کی، البتہ فٹبال کی دنیا کے شائقین رونالڈو کو ’فاسٹ اینڈ فیورس‘ میں ضرور دیکھنا چاہیں گے۔

ون ڈیزل نے کیپشن میں لکھا کہ سب پوچھ رہے تھے کہ کیا وہ فاسٹ اینڈ فیوریس کی دنیا کا حصہ ہوں گے؟

واضح رہے کہ 2021 سے شروع ہونے والی مشہور ہالی ووڈ سیریز ’فاسٹ اینڈ فیورس‘ کے اب تک 10 سیزن ریلیز ہوچکے ہیں۔

آخری فلم 2023 میں ’فاسٹ ایکس‘ کے نام سے ریلیز ہوئی تھی جب کہ اس کا دوسرا حصہ ’فاسٹ ایکس: پارٹ ٹو‘ 2027 میں ریلیز ہوگا۔

Source link