(ویب ڈیسک)بھارت کے ون ڈے ڈومیسٹک ٹورنامنٹ وجے ہزارے ٹرافی میں تیز ترین سنچری کا ریکارڈ قائم ہوگیا۔
بدھ کو وجے ہزارے ٹرافی میں بہار کا مقابلہ اروناچل پردیش سے ہوا جس میں بہار کے کپتان ثاقب الغنی نے دھواں دار اننگز کھیلتے ہوئے 32 گیندوں پر تیز ترین سنچری اسکور کر دی۔
اس کے ساتھ ہی ثاقب الغنی لسٹ اے کرکٹ میں تیز ترین سنچری بنانے والے بھارتی بیٹر بن گئے جبکہ یہ لسٹ اے کرکٹ کی تاریخ کی تیسری تیز ترین سنچری ہے۔
بہار کے کپتان ثاقب الغنی نے اروناچل پردیش کے خلاف 40 گیندوں پر 128 رنز کی ناقابل شکست اننگز کھیلی، جس میں 10 چوکے اور 12 چھکے شامل تھے۔
Unreal scenes in Vijay Hazare Trophy
Bihar Captain Sakibul Gani hits a hundred in just 32 balls to become India’s fastest in List A cricket. ⚡ pic.twitter.com/r5FagnVgK3— CricTracker (@Cricketracker) December 24, 2025
اس کے علاوہ بہار کی جانب سے ویبہو سوریاونشی نے 84 گیندوں پر 190 رنز کی دھواں دھار اننگز کھیلی، ایوش لوہاروکا نے 56 گیندوں پر 116 رنزبنائے۔
یوں بہار کی ٹیم نے لسٹ اے کرکٹ میں 50 اوورز میں سب سے زیادہ 574 رنز بنا کر ورلڈ ریکارڈ قائم کر دیا۔
واضح رہے کہ لسٹ اے کرکٹ میں تیز ترین سنچری کا ورلڈ ریکارڈ آسٹریلیا کے جیک فریزرمک گروک کے پاس ہے جنہوں نے 2023 میں 29 گیندوں پر سنچری اسکور کی تھی۔
Leave a Reply