(24نیوز)قومی ہیروز کے پیٹرن، پاکستان کرکٹ بورڈ کے سربراہ محسن نقوی نے صاف الفاظ میں بتا دیا کہ روایتی حریف کے ساتھ ہاتھ ملانے کا ہمیں بھی کوئی شوق نہیں، جو وہ کریں گے وہ ہم کریں گے، سب کچھ برابری کی بنیاد پر کریں گے۔
پاکستان کرکٹ بورڈ کے چئیرمین محسن نقوی نے ایشیا کپ میں روایتی حریف کے کھیل کی روایت کے خلاف، شرم ناک غیر اخلاقی رویہ کے جواب میں اپنے تمام ہیروز اور عوام کے جذبات کی ترجمانی کرتے ہوئے فاتحانہ ایٹی ٹیوڈ اختیار کرتے ہوئے کہا، بھارت کے ساتھ جو بھی ہوگا وہ برابری کی سطح پر ہوگا، بھارتی ہینڈ شیک نہیں کرنا چاہتے تو ہمیں بھی ہاتھ ملانے کا کوئی شوق نہیں۔
لاہور میں پریس کانفرنس کرتے ہوئے محسن نقوی نے تصدیق کی کہ بھارت کی انڈر 19 ٹیم کے انڈر 19 ایشیا کپ میں حالیہ رویے کو نظر انداز نہین کیا گیا، محسن نقوی نے بتایا کہ اس رویے پر آئی سی سی سے بات ہوگی،ہم آئی سی سی کو بھارتی رویے پر لکھ رہے ہیں۔
محسن نقوی نے بتایا کہ پی ایس ایل کے لیے وسیم اکرم کو برانڈ ایمبیسیڈر مقررکیا ہے۔
پی سی بی کے چئیرمین نے بتایا کہ وہ 26 مارچ کے بجائے پی ایس ایل کا آغاز 23 مارچ سے کرنا چاہتے ہیں، تمام فرنچائز کی مشاورت سے فیصلہ کریں گے کہ 23 مارچ کو پی ایس ایل شروع کر دیں۔
ملتان سلطانز کو پی ایس ایل کے اس سیزن میں پی سی بی چلائے گا
چیئرمین نے بتایا، پی ایس ایل ختم ہونےکے بعد ملتان سلطانز کی نیلامی کریں گے، ملتان سلطانز کو اس سال پی سی بی خود آپریٹ کرےگا۔ پی ایس ایل کی 2 نئی ٹیموں کو حاصل کرنے کے لیے 10پارٹیوں نے کوالیفائی کیا ہے، پی ایس ایل ٹیموں کی نیلامی 8 جنوری کو اسلام آباد میں ہوگی۔
محسن نقوی نے کہا، جنوری ہمارے لیے اہم ہے، ہماری ٹیمیں اچھی فروخت ہوں گی۔ نیوز چینل پر سپورٹس ایونٹ کی کوریج کے لیے وزیر اطلاعات سے درخواست کروں گا۔ کرکٹ اکیڈمی کو ریجن کی بہترین اکیڈمی بنانےکا ہدف ہے۔ پاکستان شاہینز کو بھی ہم بہت مضبوط بنانا چاہتے ہیں۔
محسن نقوی نے سوالات کے جواب میں بتایا، ریڈ بال ک کرکٹ کے لئے قومی کوچ کا ابھی فیصلہ ہونا باقی ہے، ٹیم اس پر کام کر رہی ہے، آسٹریلیا کے خلاف ہوم سیریز کے اب تک تین ہی ٹی ٹوئنٹی شیڈولڈ ہیں۔
Leave a Reply