(24نیوز)پاکستانی آل راؤنڈر فہیم اشرف نے بنگلادیش پریمیئر لیگ( بی پی ایل) میں تباہ کن بولنگ کا مظاہرہ کرتے ہوئے اپنی ٹیم رانگپور رائیڈرز کو چٹاگرام رائلز کے خلاف کامیابی دلانے میں اہم کردار ادا کیا۔
بنگلادیش پریمیئر لیگ کا یہ میچ پیر کو سلہٹ انٹرنیشنل کرکٹ سٹیڈیم میں کھیلا گیا۔
پہلے بیٹنگ کرتے ہوئے چٹاگرام رائلز کی ٹیم 17.5 اوورز میں 102 رنز پر ڈھیر ہو گئی۔ اوپنر محمد نعیم نے 20 گیندوں پر 39 رنز کی اننگز کھیلی جبکہ مرزا بیگ نے 24 گیندوں پر 20 رنز بنائے جبکہ دیگر بیٹرز نمایاں کارکردگی دکھانے میں ناکام رہے۔
رانگپور رائیڈرز کی جانب سے فہیم اشرف نمایاں بولر رہے اور انہوں نے 3.5 اوورز میں صرف 17 رنز دے کر 5 وکٹیں حاصل کیں۔
فہیم اشرف کا ساتھ دیتے ہوئے مستفیض الرحمٰن نے 3 اوورز میں 2 وکٹیں حاصل کیں۔
جواب میں رانگپور رائیڈرز نے 15 اوورز میں 3 وکٹوں کے نقصان پر مطلوبہ سکور حاصل کر لیا۔ڈیوڈ ملان نے اپنی شاندار فارم کو برقرار رکھتے ہوئے 48 گیندوں پر 51 رنز سکور کیے۔
شاندار بولنگ کا مظاہرہ کرنے پر فہیم اشرف میچ کے بہترین کھلاڑی قرار پائے۔
یہ بھی پڑھیں:انڈر19سہ فریقی سیریز؛355رنز ہدف کے باوجود پاکستان اور زمبابوے کا میچ بغیر نتیجہ ختم ہو گیا
Leave a Reply