شہید میجر عدیل زمان کی نماز جنازہ پشاور گیریژن میں ادا کر دی گئی۔ پاک فوج کے شعبہ تعلقات عامہ آئی ایس پی آر کے مطابق میجر عدیل خار، باجوڑ میں فتنہ الخوارج کے خلاف بہادری سے لڑتے شہید ہوئے ،نماز جنازہ میں فیلڈ مارشل عاصم منیر نے شرکت کی،نماز جنازہ میں وزیر داخلہ، کور کمانڈر پشاور سمیت سول و عسکری افسران اور عوام نے بھی شرکت کی۔
آئی ایس پی آر کے مطابق فیلڈ مارشل سید عاصم منیر نے میجر عدیل زمان شہید کو عظیم قربانی پر خراجِ عقیدت پیش کرتے ہوئے کہاکہ پاک فوج کے شہداء قوم کا فخر ہیں، ان کی قربانیاں ہمیشہ یاد رکھی جائیں گی ۔
فیلڈ مارشل نے شہید کے درجات کی بلندی اور اہلِ خانہ کیلئے صبر و استقامت کی دعا کی۔میجر عدیل زمان شہید نے آپریشن کے دوران فرنٹ سے قیادت کرتے ہوئے جامِ شہادت نوش کیا۔
آئی ایس پی آر کی جانب سے جاری بیان میں کہا گیا ہے کہ پاک فوج دہشتگردی کے مکمل خاتمے کیلئے پر عزم ہے، شہداء کی قربانیاں قومی حوصلے کو مزید مضبوط کرتی ہیں۔
میجر عدیل زمان شہید کی تدفین آبائی شہر ڈیرہ اسماعیل خان میں مکمل فوجی اعزاز کے ساتھ کی جائے گی۔
فیلڈ مارشل سید عاصم منیرنے سی ایم ایچ پشاور کا دورہ کیا۔ زخمی افسران و جوانوں کی عیادت کی۔فیلڈ مارشل سید عاصم منیر نے زخمی جوانوں کی جرات، حوصلے اور ثابت قدمی کو سراہا۔
Leave a Reply