(ویب ڈیسک)سابق آسٹریلوی کرکٹر ڈیمین مارٹن کو تشویشناک حالت کے باعث برسبین کے ہسپتال میں داخل کرادیا گیا۔
غیرملکی میڈیا کے مطابق ڈیمین مارٹن 2003 کا ورلڈ کپ جیتنے والی ٹیم کا حصہ تھے، گردن توڑ بخارکے باعث ان کی حالت تشویش ناک ہے اوروہ اس وقت کوما کی حالت میں ہیں۔
54 سالہ ڈیمین مارٹن کرسمس ڈے کے موقع پر شدید بیمار ہونے کی وجہ سے گر پڑے تھے۔
کرکٹ آسٹریلیا اور کرکٹرز نے ڈیمین مارٹن کی اچانک بیماری پر تشویش کا اظہار کیا ہے،چیف ایگزیکٹو کرکٹ آسٹریلیا ٹوڈ گرین برگ کا کہنا ہے کہ ڈیمین مارٹن کی بیماری کا سن کر افسوس ہوا ہے۔
یہ بھی پڑھیں: انڈونیشیاکی شہریت کے خواہش مند افراد کیلئے بڑی خبر
سابق وکٹ کیپر بیٹر ایڈم گلکرسٹ کاکہناہے کہ برسبین کے ہسپتال میں ڈیمین مارٹن کا بہترین علاج جاری ہے۔
یاد رہے کہ ڈیمین مارٹن نے 67 ٹیسٹ، 208 ون ڈے اور 4 ٹی ٹوئنٹی میچز میں آسٹریلیا کی نمائندگی کی ہے۔
Leave a Reply