(ویب ڈیسک)معروف کرکٹ ویب سائٹ ’’کرک انفو‘‘ نے ٹی ٹوئنٹی ٹیم آف دی ایئر کا اعلان کر دیا۔
ویب سائٹ کی جانب سے جاری کردہ ٹی ٹوئنٹی ٹیم آف دی ایئر 2025 میں پاکستان کا کوئی کرکٹر شامل نہیں ،اس ٹیم میں بھارت اور انگلینڈ کے 3، 3 ویسٹ انڈیز کے 2 آسٹریلیا، افغانستان اور جنوبی افریقا کا ایک ایک کھلاڑی شامل ہے۔
کرک انفو کی ٹیم آف دی ایئر میں ابھیشک شرما، فل سالٹ، جوز بٹلر، نکلوس پوران اور ڈیوالڈ بریوس شامل ہیں۔
ویب سائٹ کی جانب سے ٹم ڈیوڈ، سیم کرن، جیسن ہولڈر، نور احمد، ورن چکرورتھی اور جسپریت بمرا کو بھی ٹیم میں شامل کیا گیا ہے۔
یہ بھی پڑھیں:افغانستان کا ٹی ٹوئنٹی ورلڈکپ کیلئے اسکواڈ کا اعلان
کرک انفو کی جانب سے ون ڈے ٹیم آف دی ائیر 2025 کا اعلان بھی کیاگیا ہے اوراس میں بھی کوئی پاکستانی کرکٹر شامل نہیں ،اس ٹیم میں انگلینڈ اور نیوزی لینڈ کے تین ، انڈیا اور ویسٹ انڈیز کے دو دو اور ساوتھ افریقا کا ایک کھلاڑی شامل ہے۔
روہت شرما ، میتھیو بریٹزکی ، ویرات کوہلی ، جو روٹ ، شائے ہوپ اور گلین فلپس ،میچل سینٹنر، عادل رشید ، جوفرا آرچر ، میٹ ہنری اور جیڈن سیلز اس ٹیم کا حصہ ہیں۔
Leave a Reply