(ارسلان حسین درانی) پاکستان اور زمبابوے انڈر 19 کے درمیان میچ بارش کے باعث ختم ہو گیا۔ دونوں ٹیموں کو ایک ایک پوائنٹ مل گیا۔
ہرارے میں پاکستان انڈر 19 نے ٹاس جیت کر پہلے بیٹنگ کا فیصلہ کیا۔
پاکستان انڈر 19 کی ٹیم 208 رنز بنا کر آؤٹ ہوئے۔ سمیر منہاس 48 رنز کے ساتھ نمایاں رہے۔عثمان خان نے 41 رنز کی ذمہ دارانہ اننگز کھیلی۔ احمد حسین نے 37 رنز بنائے۔
زمبابوے کی طرف سے پناشے مزائی نے 4 وکٹیں حاصل کیں۔ لیروئے چیوالا اور شیلٹن مازویٹوريرا نے 2،2 وکٹیں لیں۔
پاکستان انڈر 19 کا یہ ٹورنامنٹ میں دوسرا میچ بارش کی نذر ہوا۔ اس سے قبل 29 دسمبر کو بھی زمبابوے کے خلاف میچ منسوخ ہوا۔ گروپ مرحلے کے اختتام پر پاکستان انڈر 19 ٹیم پوائنٹس ٹیبل پر سرفہرست ہے۔
پاکستان نے افغانستان کے خلاف دونوں میچز جیتے۔
زمبابوے انڈر 19 پانچ پوائنٹس کے ساتھ دوسرے نمبر پر ہے۔
افغانستان انڈر 19 ایک پوائنٹ کے ساتھ تیسرے نمبر پر ہے۔
پاکستان اور زمبابوے کی کرکٹ ٹیمیں ٹورنامنٹ کا فائنل چھ جنوری کو کھیلیں گی۔
Leave a Reply