(24 نیوز)ٹینس کے عالمی شہرت یافتہ کھلاڑی نواک جوکووچ نے پروفیشنل ٹینس پلیئرز ایسوسی ایشن سے علیحدگی کا اعلان کر دیا۔
نواک جوکووچ نے سوشل میڈیا پر جاری اپنے پیغام میں کہا کہ بڑے محتاط انداز میں سوچ بچار کے بعد میں نے پروفیشنل ٹینس پلیئرز ایسوسی ایشن سے مکمل دستبردار ہونے کا فیصلہ کیا ہے۔
ان کے مطابق یہ فیصلہ شفافیت، گورننس اور اس بات پر تحفظات کے باعث کیا گیا کہ ان کی آواز اور امیج کو کس طرح پیش کیا جا رہا تھا۔
جوکووچ نے مزید کہا کہ اب ان کی توجہ اپنی ٹینس فیملی اور کھیل میں مثبت کردار ادا کرنے پر مرکوز رہے گی۔
کھلاڑیوں کے لیے میری نیک خواہشات ہمیشہ رہیں گی لیکن میری جانب سے یہ باب اب بند ہو چکا ہے۔
مزید پڑھیں:بنگلا دیش کے میچز کے وینیوز کی تبدیلی ،بھارتی بورڈ کا ردعمل آگیا
یاد رہے کہ 24 گرینڈ سلم ٹائٹلز جیتنے والے نواک جوکووچ پروفیشنل ٹینس پلیئرز ایسوسی ایشن کی بنیاد رکھنے والوں میں شامل تھے۔
اس ایسوسی ایشن کا مقصد انفرادی کھلاڑیوں، بطور آزاد کنٹریکٹرز، کی آواز کو مؤثر پلیٹ فارم تک پہنچانا تھا۔
ایسوسی ایشن کے پلیٹ فارم سے کھلاڑیوں کی فلاح و بہبود، میچ شیڈولنگ اور دیگر پیشہ ورانہ معاملات پر آواز اٹھائی جاتی رہی ہے۔
اس نے مینز اور ویمنز ٹورز، انٹرنیشنل ٹینس فیڈریشن اور سپورٹس انٹیگریٹی ایجنسی کے خلاف قانونی کارروائی بھی کی تھی۔
Leave a Reply