(وسیم احمد )پاکستان اور سری لنکا کے درمیان ٹی ٹوئنٹی انٹرنیشنل سیریز کا کل سے آغاز ہو رہا ہے،پاکستان اور سری لنکا کے درمیان تین میچوں پر مشتمل ٹی ٹوئنٹی انٹرنیشنل سیریز 7، 9 اور 11 جنوری کو دمبولا میں کھیلی جائے گی۔
سری لنکا میں ٹی ٹوئنٹی انٹرنیشنل سیریز پاکستان کے لیے آئی سی سی مینز ٹی ٹوئنٹی ورلڈ کپ کی تیاریوں کے لیے اہم ہے،حالیہ پانچ ٹی ٹوئنٹی انٹرنیشنل میچز میں پاکستان نے سری لنکا کے خلاف تین فتوحات حاصل کی ہیں۔
کپتان سلمان علی آغا نے کہا کہ یہ سیریز تمام کھلاڑیوں کے لیے اپنی صلاحیت دکھانے کا بہترین موقع ہے،ورلڈ کپ سے قبل یہاں کھیلنا ہمارے لیے بڑا فائدہ ہے اور ہم جلد کنڈیشنز سے ہم آہنگ ہونے کی کوشش کریں گے۔
انھوں نے کہا کہ سکواڈ میں باصلاحیت نوجوان کھلاڑی موجود ہیں، ہم انہیں مواقع دیں گے اور مجھے امید ہے وہ اچھی کارکردگی دکھائیں گے۔
یہ بھی پڑھیں :پختونخوا میں دہشتگردی کیلئے سازگار سیاسی ماحول فراہم کیا جاتا ہے: ڈی جی آئی ایس پی آر
Leave a Reply