(24نیوز) ایک اور سپورٹس مین نے دنیا میں پاکستان کے نام کا ڈنکا بجا دیا۔ اس مرتبہ پاکستان گھوڑ سواری کے میدان میں ٹاپ پر دکھائی دے رہا ہے۔
گھڑ سواری کے کھیل میں پاکستان کا نام دنیا میں ایسا روشن ہوا ہے کہ اس کھیل کے پرانے کھلاڑی اور شاائقین بس حیران ہیں۔ ہوا یہ کہ پاکستانی گھڑ سوار عثمان خان ایک بار پھر انٹرنیشنل رینکنگ میں نمبر ون پوزیشن پر آ گئے ہیں۔
انٹرنیشنل ایکویسٹرین فیڈریشن نے مڈل ایسٹ اور افریقہ زون کی ایونٹنگ رینکنگ جاری کی گئی ہے جس کے مطابق عثمان خان ایک بار پھر اس زون میں نمبر ون گھڑ سوار قرار پائے ہیں۔ یہ کامیابی نہ صرف عثمان خان کی مسلسل محنت اور مہارت کا منہ بولتا ثبوت ہے بلکہ عالمی سطح پر پاکستانی گھڑ سواری کے معیار کو بھی اجاگر کرتی ہے۔
یہ بھی پڑھیں: آرٹیفیشل انٹیلی جنس بھی نیم حکیم نکلی، یوزرز کی صحت خطرے میں ڈال دی
ایف ای آئی کی ایونٹنگ رینکنگ میں دنیا کو چھ زونز میں تقسیم کیا گیا ہے۔ انہی زونز کی رینکنگ کی بنیاد پر بین الاقوامی چیمپئن شپ کی مجموعی درجہ بندی کا فیصلہ کیا جاتا ہے۔ مڈل ایسٹ اور افریقہ زون میں سرفہرست رہنا عالمی مقابلوں میں نمایاں مقام حاصل کرنے کی جانب ایک اہم پیش رفت سمجھا جاتا ہے۔
عثمان خان اس سے قبل بھی 2019 سے 2021 کے دوران مسلسل نمبر ون پوزیشن پر رہ چکے ہیں اور ایک مرتبہ پھر ٹاپ رینکنگ حاصل کرکے انہوں نے اپنی برتری کو ثابت کر دیا۔ ان کی اس کامیابی پر کھیلوں کے حلقوں اور شائقین کی جانب سے مبارکبادوں کا سلسلہ جاری ہے۔
Leave a Reply