(وسیم احمد)ایچ بی ایل پی ایس ایل کی دو نئی ٹیموں کی نیلامی کل اسلام آباد میں ہوگی،پی ایس ایل نئی ٹیموں کی نیلامی جناح کنونشن سینٹر میں ہوگی،نیلامی کا آغاز شام 4 بج کر 15 منٹ پر ہوگا۔
پی ایس ایل نیلامی براہِ راست پی سی بی اور پی ایس ایل یوٹیوب چینلز، ٹیپ میڈ، تماشا اور پی سی بی لائیو (یوکے) پر دکھائی جائے گی،اے اسپورٹس، جیو اسپورٹس، فاسٹ اسپورٹس اور پی ٹی وی اسپورٹس نیلامی نشر کریں گے۔
ایچ بی ایل پی ایس ایل نئی ٹیموں کے لیے 10 کمپنیوں کے درمیان مقابلہ ہوگا، ایم نیکسٹ، ڈہرکی شوگر ملز، ایف کے ایس، پرزم ڈیولپرز اور انوریکس سولر نئی ٹیموں کے لیے بولی لگائیں گے۔
پی ایس ایل سیزن 11 میں ٹیموں کی تعداد 6 سے بڑھا کر 8 کی جائے گی، پی ایس ایل سیزن 11 کا انعقاد 26 مارچ سے 3 مئی 2026 تک ہوگا،فیصل آباد، گلگت، حیدرآباد، مظفرآباد، راولپنڈی اور سیالکوٹ نئی فرنچائز کے ممکنہ شہر ہوں گے۔
نیلامی کے بعد راحت فتح علی خان کی خصوصی پرفارمنس ہوگی، پاکستان شاہینز اور ہانگ کانگ سپر سکسز کی فاتح ٹیموں کو بھی انعامات دیے جائیں گے۔
یہ بھی پڑھیں :کل زمین کی گردش کا عالمی دن منایا جارہا ہے: ترجمان سپارکو
Leave a Reply