(ویب ڈیسک)ورلڈ کپ اور آسٹریلیا کیخلاف سیریز کے لئے پاکستان ٹی 20 سکواڈ کے ممکنہ کھلاڑیوں کے نام سامنے آگئے۔
ذرائع کے مطابق ورلڈ کپ اور آسٹریلیا کے خلاف ہوم سیریز کے لیے پاکستانی سکواڈ کے لیے حتمی مشاورت رواں ہفتے ہو گی۔
ٹیم میں کپتان سلمان علی آغا، صاحبزادہ فرحان، صائم ایوب، فخر زمان، شاداب خان، بابر اعظم، فہیم اشرف، محمد نواز، عثمان خان اور ابرار احمد کے شامل ہونے کا امکان ہے،اس کے علاوہ شاہین شاہ آفریدی، نسیم شاہ، حارث رؤف، سلمان مرزا،اور خواجہ نافع ممکنہ کھلاڑیوں میں شامل ہیں جبکہ عبدالصمد، وسیم جونیئر اور عثمان طارق ریزرو کھلاڑیوں میں شامل ہونے کا امکان ہے۔
یہ بھی پڑھیں:ویرات کوہلی نے ٹنڈولکر کا ایک اور ریکارڈ توڑ دیا
ہیڈ کوچ مائیک ہیسن دورۂ سری لنکا کے اختتام پر لاہور پہنچ رہے ہیں، قومی ٹی ٹوئنٹی سکواڈ کے اراکین سری لنکا میں سیریز کھیلنے کے بعد آج وطن واپس پہنچ رہے ہیں، ہیڈ کوچ مائیک ہیسن اور کپتان سلمان علی آغا کی سلیکٹرز سے حتمی مشاورت ہوگی، مشاورت مکمل ہونے پر چیئرمین پی سی بی محسن نقوی کی منظوری سے قومی سکواڈ کا اعلان کر دیا جائے گا، پی سی بی نے ٹی ٹوئنٹی ورلڈ کپ کے لیے ابتدائی نام آئی سی سی کو بھجوا رکھے ہیں، 31 جنوری سے قبل پی سی بی آئی سی سی کی اجازت کے بغیر ناموں میں ردو بدل کر سکتا ہے۔
Leave a Reply