( وسیم احمد )پاکستان کرکٹ بورڈ نے جنوری کے آخر میں آسٹریلیا کے دورہ پاکستان کی تصدیق کردی۔
دونوں ٹیموں کے درمیان 3 ٹی ٹونٹی میچز قذافی اسٹیڈیم لاہور میں کھیلے جائیں گے, سیریز کا آغاز 29 جنوری سے ہوگا جبکہ دیگر میچز 31 جنوری اور یکم فروری کو ہوں گے۔
تینوں میچز میں ٹاس شام 5:30 بجے ہوگا اور میچز کا آغاز شام 6 بجے ہوگا۔
اس حوالے سے آسٹریلوی ٹی ٹونٹی اسکواڈ بدھ 28 جنوری کو لاہور پہنچے گا۔
یہ سیریز آئندہ ماہ آئی سی سی مینز ٹی ٹونٹی ورلڈ کپ 2026 سے قبل دونوں ٹیموں کے لیے انتہائی اہم ہے۔
یاد رہے کہ پاکستان ورلڈ کپ کے گروپ اے جبکہ آسٹریلیا گروپ بی میں شامل ہے۔
واضح رہے کہ یہ آسٹریلیا کا مارچ 2022 سے اب تک پاکستان کا تیسرا دورہ ہوگا۔
اس سے قبل 2022 میں آسٹریلیا نے پاکستان میں ایک ٹیسٹ سیریز، تین ون ڈے اور ایک ٹی ٹونٹی میچ کھیلا تھا۔
Leave a Reply