لاہور ائرپورٹ اور اس کے اطراف میں شدید دھند نے پروازوں کے شیڈول کو متاثر کر دیا ہے، جس کے نتیجے میں متعدد پروازیں منسوخ اور دیگر تاخیر کا شکار ہو رہی ہیں۔ ایئرپورٹ انتظامیہ کے مطابق، بیرونِ ملک جانے اور آنے والی پانچ پروازیں منسوخ کر دی گئی ہیں جبکہ چھ سے زائد پروازیں تاخیر کا شکار ہیں۔
اس وقت ائرپورٹ کے اطراف میں حد نگاہ صرف 600 میٹر ہے، جو کہ فلائٹ آپریشنز میں خلل ڈالنے کا باعث بن رہا ہے۔
محکمہ موسمیات کے مطابق، دھند کی شدت میں مزید اضافے کا امکان ہے، جس کے پیشِ نظر ایئرپورٹ انتظامیہ اور متعلقہ حکام نے مستعد رہنے کے اقدامات کر لیے ہیں۔
ایئرپورٹ انتظامیہ نے مسافروں سے اپیل کی ہے کہ وہ اپنی پرواز کی معلومات حاصل کرنے کے لیے قبل از وقت انکوائری ضرور کریں تاکہ کسی بھی قسم کی مشکلات سے بچا جا سکے۔
یہ صورتحال مزید پیچیدہ ہو سکتی ہے اگر دھند کی شدت میں اضافہ ہوتا ہے، اور ائرپورٹ حکام کے لیے مسافروں کی سہولت اور حفاظت یقینی بنانا ایک چیلنج بن سکتا ہے۔
Leave a Reply