(24 نیوز)آسٹریلوی فاسٹ بولر مچل سٹارک نے بابر اعظم کے جرسی نمبر 56 کو ترجیح دینے پر دلچسپ تبصرہ کیا ہے۔
مچل سٹارک نے حال ہی میں بگ بیش لیگ کے’60 سیکنڈ سلوگ‘ ویڈیو سیگمنٹ میں آسٹریلوی کرکٹر مچل مارش کے ساتھ شرکت کی۔
اس سیگمنٹ کے دوران دونوں کرکٹرز نے دلچسپ گفتگو کرکے شائقینِ کرکٹ کو انٹرٹین کیا۔
مچل مارش نے مچل سٹارک سے پوچھا کہ جب بابر اعظم نے سڈنی سکسرز کے ساتھ معاہدہ طے کیا تو اُنہوں نے ہمیشہ کی طرح اپنی جرسی نمبر 56 کو ترجیح دی، آپ اس حوالے سے کیا کہیں گے؟
مزید پڑھیں:ّپاکستان سپر لیگ میں پلیئرز آکشن متعارف کرانے کا فیصلہ
مچل سٹارک نے اس سوال کا جواب دیتے ہوئے کہا کہ مجھے لگتا ہے کہ اُنہوں نے مجھ سے بہت زیادہ معاوضہ لیا ہے تو شاید اس لیے اُنہیں یہ مل جائے۔
واضح رہے کہ مچل اسٹارک اور بابر اعظم دونوں اپنے اپنے ملک کی نمائندگی کرتے ہوئے 56 نمبر کی جرسی پہنتے ہیں۔
اس لیے جب سڈنی سکسرز کے ساتھ بابر اعظم نے معاہدہ طے کیا تو فرنچائز نے ان کے لیے ایک منفرد جرسی نمبر ’056‘ متعارف کروا دیا۔
Leave a Reply