(حافظ شہباز )پاکستان سپر لیگ میں پلئیرز آکشن متعارف کرانے کا فیصلہ کرلیا گیا۔
پی ایس ایل گورننگ کونسل کی ورکنگ کمیٹی میں آکشن ڈرافٹ اورری ٹینشن کے معاملات زیر بحث آئے،پی ایس ایل گورننگ کونسل کی ورکنگ کمیٹی کے رات گئے ہونےوالے اجلاس میں اہم فیصلے کئے گئے۔
ذرائع کے مطابق پی ایس ایل 11 کیلئے کھلاڑیوں کی ری ٹینشن کے حوالے سے بھی فیصلہ ہو گیا،ورکنگ کمیٹی کے فیصلوں کی حتمی منظوری چیئرمین پی سی بی محسن نقوی دیں گے ۔
ذرائع کے مطابق ضرورت پڑنے پر پی ایس ایل گورننگ کونسل کا اجلاس طلب کیا جا سکے گا ،پی ایس ایل چیمپئین لاہور قلندرز ،کوئٹہ ،اسلام آباد یونائیٹڈ ،کراچی کنگز اورحیدر آباد نے پلیئرز آکشن کے حق میں ووٹ دیا۔
ذرائع کے مطابق پشاور زلمی اور سیالکوٹ نے بھی پلیئرزآکشن کے حق میں ووٹ دیا ،پانچ پرانی فرنچائزز میں سے 4نے ری ٹینشن پر اتفاق کیا ان میں ایک برانڈ ایمبیسڈر ہو گا ۔
ذرائع کے مطابق ہر کیٹیگری میں ایک ایک کھلاڑی کی ریٹینشن ہو گی،ایک کھلاڑی کو نچلی کیٹیگری میں لا کر برانڈ ایمبیسڈر بنایا جا سکے گا،نئی فرنچائزز باقی پلیئرز پول سے اسی طرح کھلاڑیوں کا انتخاب کر لیں گی ۔
ذرائع کے مطابق دو نئی فرنچائزز سیالکوٹ اور حیدر آباد نے زیرو ری ٹینشن پر زور دیا ،باقی پلیئرز پول کا آکشن ہو گا اور فرنچائزز کھلاڑی آکشن میں اٹھائیں گی ۔
یہ بھی پڑھیں:ٹی ٹونٹی ورلڈ کپ کیلئے بھارت نہ جانے کا معاملہ، بنگلہ دیش کا پاکستانی حکومت سے رابطہ
ذرائع کے مطابق پی ایس ایل کے آکشن اور ری ٹینشن کا فارمولا چیئرمین محسن نقوی کو بھجوایا جائے گااوراس معاملے پر اگلے ایک دو روز میں با قاعدہ اعلان کیا جائے گا۔
،،،،
Leave a Reply