بھارت میں کھیلنا ہے یا نہیں آئی سی سی کی بنگلہ دیشی ٹیم کو ڈیڈ لائن

(24 نیوز)انٹرنیشنل کرکٹ کونسل آئی سی سی نے بنگلہ دیشی کرکٹ ٹیم کو بھارت میں ٹی ٹونٹی ورلڈ کپ کھیلنے کے بارے میں فیصلہ کرنے کیلئے اکیس جنوری تک کی ڈیڈ لائن دے دی ہے۔

بھارتی میڈیا کے مطابق آئی سی سی نے بنگلہ دیش کی جانب سے میچز کو سری لنکا منتقل کرنے کی درخواست مسترد کر دی ہے۔

اگر بنگلادیش اپنی پوزیشن نہیں بدلتا تو رینکنگ کی بنیاد پر کسی دوسری ٹیم کو ورلڈ کپ میں شامل کیا جا سکتا ہے۔

بین الاقوامی کرکٹ کونسل (آئی سی سی) 21 جنوری کو حتمی فیصلہ کرے گی کہ بنگلہ دیشی ٹیم بھارت میں شیڈول ٹی ٹونٹی ورلڈ کپ میچز میں حصہ لے گی یا نہیں۔

بھارتی میڈیا رپورٹس کے مطابق بنگلہ دیش نے حفاظتی وجوہات کے تحت میچز کو سری لنکا منتقل کرنے کی درخواست کی تھی، لیکن آئی سی سی نے اسے مسترد کر دیا۔

ذرائع کا کہنا ہے کہ اگر بنگلہ دیش اپنے انکار پر قائم رہتا ہے تو عالمی رینکنگ کے مطابق کسی اور ٹیم کو بھارت میں ہونے والے ورلڈ کپ میں شامل کیا جا سکتا ہے۔

واضح رہے کہ بنگلہ دیش بھارت میں ٹی 20 ورلڈ کپ کے میچز کھیلنے پر رضامند نہیں ہے جس کی وجہ دونوں ممالک کے درمیان سیاسی گرما گرمی ہے۔

بنگلہ دیشی کرکٹ بورڈ کئی بار یہ بیان جاری کرچکا ہے کہ وہ اپنے میچز بھارت میں نہیں کھیلے گا۔

Source link