(ویب ڈیسک)بھارت میں چار کھلاڑیوں کو مبینہ کرپشن کے الزام میں معطل کر دیا گیا۔
کرک انفو کے مطابق، آسام کرکٹ ایسوسی ایشن (اے سی اے) نے جمعہ کے روز امت سنہا، ایشان احمد، امن ٹریپاٹھی اور ابھیشیک ٹھاکور کو سید مشتاق علی ٹرافی 2025 کے دوران مشکوک سرگرمیوں میں ملوث ہونے پر معطل کر دیا۔
یہ چاروں کھلاڑی آسام کے مختلف کرکٹ مقابلوں میں حصہ لے چکے ہیں اور اب ان کے خلاف اے سی اے نے ریاستی پولیس کی کرائم برانچ میں ایف آئی آر درج کروا دی ہے۔
ان کھلاڑیوں پر الزام ہے کہ انہوں نے سید مشتاق علی ٹرافی میں شریک آسام کے دیگر کھلاڑیوں کو مشکوک سرگرمیوں میں ملوث کرنے کی کوشش کی تھی۔
یہ بھی پڑھیں:بڑی سیاسی پارٹی نے علیم خان کی حمایت کر دی
معطلی کے دوران، ان کھلاڑیوں پر آسام کی سطح پر کسی بھی کرکٹ ٹورنامنٹ میں شرکت یا آسام کرکٹ ایسوسی ایشن (اے سی اے)، اس کے ڈسٹرکٹ یونٹس یا متعلقہ کلبز کی جانب سے منعقد کرائے جانے والے میچز میں شرکت پر پابندی عائد کر دی گئی ہے۔
Leave a Reply