(24 نیوز)فٹبال کی عالمی تنظیم فیفا نے ورلڈ کپ 2026 کے لیے تاریخ کی سب سے بڑی انعامی رقم کا اعلان کر دیا ہے۔
فیفا کے مطابق 2026 ورلڈ کپ میں مجموعی طور پر 65 کروڑ 50 لاکھ ڈالر انعامی رقم کے طور پر تقسیم کیے جائیں گے، جبکہ 2022 کے ورلڈ کپ میں یہ رقم 44 کروڑ ڈالر تھی۔
اعلامیے کے مطابق ورلڈ کپ 2026 کی فاتح ٹیم کو 5 کروڑ ڈالر انعام میں ملیں گے، جبکہ گزشتہ ایڈیشن کی فاتح ٹیم کو 4 کروڑ 20 لاکھ ڈالر دیے گئے تھے۔
رنر اپ ٹیم کو 3 کروڑ 30 لاکھ ڈالر ملیں گے، تیسری پوزیشن حاصل کرنے والی ٹیم کو 2 کروڑ 90 لاکھ اور چوتھے نمبر پر آنے والی ٹیم کو 2 کروڑ 70 لاکھ ڈالر کی انعامی رقم دی جائے گی۔
مزید پڑھیں:جعلی فٹبال ٹیم کے ساتھ لنگڑا کھلاڑی بھی جاپان پہنچ گیا، قائمہ کمیٹی میں انکشاف
پانچویں سے آٹھویں پوزیشن پر آنے والی ٹیموں کو فی ٹیم 1 کروڑ 90 لاکھ ڈالر دیے جائیں گے، جبکہ نویں سے سولہویں نمبر کی ٹیموں کو 1 کروڑ 50 لاکھ ڈالر انعام میں ملیں گے۔
اسی طرح 17ویں سے 32ویں پوزیشن پر آنے والی ہر ٹیم کو 1 کروڑ 10 لاکھ ڈالر، جبکہ 33ویں سے 48ویں نمبر تک آنے والی ٹیموں کو فی ٹیم 90 لاکھ ڈالر دیے جائیں گے۔
اس کے علاوہ ورلڈ کپ کے لیے کوالیفائی کرنے والی ہر ٹیم کو تیاریوں کے لیے فیفا کی جانب سے اضافی 15 لاکھ ڈالر بھی فراہم کیے جائیں گے۔
Leave a Reply