(وسیم احمد ) سری لنکا کرکٹ نے آئی سی سی ٹی ٹوئنٹی ورلڈ کپ 2026 کی تیاریوں کے حوالے سے اپ ڈیٹ جاری کر دی ہے، آئی سی سی مینز ٹی ٹوئنٹی ورلڈ کپ 2026 کے لیے سنہالیز سپورٹس کلب کرکٹ گراؤنڈ میں تیاریاں جاری ہیں۔
ایس ایس سی ٹی ٹوئنٹی ورلڈ کپ 2026 کے اہم میزبان وینیوز میں شامل ہے،پاکستان اور نیدر لینڈز کے درمیان افتتاحی میچ 7 فروری 2026 کو سنہالیز اسپورٹس کلب میں کھیلا جائے گا۔
سنہالیز اسپورٹس کلب کرکٹ گراؤنڈ میں جدید ترین فلڈ لائٹ سسٹم کی تنصیب کا کام جاری ہے جس کے تحت 630 ایل ای ڈی فلڈ لائٹس 6بلند ٹاورز پر نصب کی جا رہی ہیں۔
مزید بتایا گیا ہے کہ کھلاڑیوں کے ڈریسنگ رومز اور آفیشلز کے دفاتر کو اپ گریڈ کیا جا رہا ہے جبکہ ٹی ٹوئنٹی ورلڈ کپ کے لیے براڈ کاسٹ کنٹرول رومز اور کمنٹری رومز کو بھی جدید سہولیات سے آراستہ کیا جا رہا ہے۔
یہ بھی پڑھیں ؛سہ فریقی سیریز:پاکستان انڈر19 ٹیم افغانستان کو ہرا کر فائنل میں پہنچ گئی
Leave a Reply