( ویب ڈیسک )پاکستان سپر لیگ (پی ایس ایل) میں نئی تاریخ رقم ہوگئی۔
تفصیلات کے مطابق پاکستان سپر لیگ (پی ایس ایل) میں پہلی مرتبہ پلیئرز آکشن کا آغاز ہوگیا ہے۔
پہلی مرتبہ آٹھ ٹیموں پر مشتمل ایونٹ کے لیے کھلاڑیوں کی ڈرافٹنگ کے بجائے آکشن کے ذریعے سلیکشن ہوگی۔
پاکستانی آل راؤنڈر فہیم اشرف کو 8 کروڑ 50 لاکھ روپے میں اسلام آباد یونائیٹڈ نے خرید لیا۔
آل راؤنڈرز عماد وسیم، محمد جنید، مہدی حسن میراز، حسین طلعت، آصف آفریدی، دانش عزیز، محمد ذیشان میں کسی فرنچائز نے دلچسپی ظاہر نہیں کی۔
دوسری لاٹ میں آسٹریلیا کے ڈیوڈ وارنر کو کراچی کنگز نے 7 کروڑ 90 لاکھ روپے میں خرید لیا۔
جہانزیب سلطان کو سیالکوٹ اسٹالینز نے 60 لاکھ روپے میں خرید لیا۔
سابق جنوبی افریقی کھلاڑی رائیلی روسو کو 5 کروڑ 55 لاکھ روپے میں کوئٹہ گلیڈی ایٹرز نے خریدا۔
تیسری لاٹ میں محمد علی کو 2 کروڑ 15 لاکھ روپے میں حیدرآباد نے خرید لیا۔
حارث رؤف کو خریدنے کےلئے لاہور قلندرز اور راولپنڈی میں جوڑ پڑ گیا ، لاہور قلندز نے فاسٹ باؤلر کو 7 کروڑ 60 لاکھ روپے میں واپس حاصل کرلیا۔
جبکہ انگلینڈ کے کرس جارڈن میں کسی فرنچائز نے دلچسپی ظاہر نہیں کی۔
محسن نقوی نے تمام فرنچائز مالکان کو قومی ٹیم کی ٹی ٹوئنٹی ورلڈکپ 2026 کی مارخور والی سپیشل کسٹمائزڈ ٹی شرٹس بطور تحفہ پیش کیں۔
محمد حسنین اور رومان رئیس کو کسی فرنچائز نے خریدنے میں دلچسپی ظاہر نہیں کی۔
نسیم شاہ کو 8 کروڑ 65 لاکھ روپے میں راولپنڈی نے خرید لیا۔
Leave a Reply