(ویب ڈیسک)ایک اور رسوائی بھارت کے گلے پڑ گئی اورسپرایٹ مرحلے میں جنوبی افریقہ کے خلاف میچ سے قبل جاری کردہ پرومو شکست کے بعد ڈیلیٹ کردیاگیا۔
آئی سی سی مینز ٹی 20 ورلڈ کپ 2026 کے سپر 8 مرحلے میں جنوبی افریقا نے شاندار کارکردگی دکھاتے ہوئے بھارت کو 76 رنز سے شکست دی جس کے بعد میچ سے پہلے جاری کیا گیا بھارتی براڈکاسٹر کا طنزیہ پرومو الٹا اس کے گلے پڑ گیا،میچ سے قبل نشر کیے گئے اشتہار میں جنوبی افریقا کو کمزور جبکہ بھارت کو برتری کی علامت کے طور پر دکھایا گیا تھا۔
پرومو میں کپ کیک کے استعارے کے ذریعے بھارتی ٹیم کی جیت کو یقینی قرار دیتے ہوئے کہا گیا تھا کہ تاریخ ایک بار پھر دہرائی جائے گی اور جنوبی افریقا کو شکست ہوگی،تاہم جنوبی افریقا نے نہ صرف بھارت کو بڑے مارجن سے ہرایا بلکہ ٹی 20 ورلڈ کپ میں رنز کے اعتبار سے انڈین ٹیم کو اس کی بدترین شکست دے دی۔
یہ بھی پڑھیں:ٹی ٹوینٹی ورلڈ کپ کے سپر 8 راؤنڈ میں پروٹیز نےبھارت کو ہوم گراؤنڈ پر ہرا کر اوقات یاد کروا دی
میچ کے بعد سوشل میڈیا پر صارفین نے بھارتی براڈکاسٹر کو شدید تنقید کا نشانہ بنایا جس کے نتیجے میں متنازع پرومو خاموشی سے ڈیلیٹ کر دیا گیا۔
Leave a Reply