(ویب ڈیسک)آسٹریلوی لیفٹ آرم فاسٹ بولر مچل اسٹارک نےسوئنگ کے سلطان وسیم اکرم کا ریکارڈ توڑ دیا۔
پاکستان کے سابق لیجنڈری فاسٹ بولر وسیم اکرم نے اپنے کیریئر میں 104 ٹیسٹ میچز میں 414 وکٹیں حاصل کی تھیں جو کسی بھی لیفٹ آرم فاسٹ بولر کی سب سے زیادہ وکٹیں تھیں،تاہم اب یہ ریکارڈ آسٹریلوی فاسٹ بولر مچل اسٹارک نے اپنے نام منتقل کرلیا ہے جن کی ٹیسٹ وکٹوں کی تعداد 415 ہوگئی ہے۔
مچل اسٹارک نے یہ کارنامہ گابا میں کھیلے جانےوالے دوسرے ایشیز ٹیسٹ کی پہلی اننگز میں ہیری بروک کی وکٹ لے کر انجام دیا، یہ ان کی اس میچ میں تیسری وکٹ تھی۔
2011 میں ٹیسٹ ڈیبیو کرنے والے اسٹارک اس سے قبل 101 ٹیسٹ میچز میں 412 شکار کر چکے تھے۔
یہ بھی پڑھیں:جنوبی افریقہ نے بھارت کو شکست دے کر ون ڈے سیریز برابر کردی
واضح رہے کہ لیفٹ آرم فاسٹ بولرز کی ٹیسٹ کرکٹ میں سب سے زیادہ وکٹوں کی فہرست میں سری لنکا کے چمندا واس 355 وکٹوں کے ساتھ تیسرے نمبر ہیں،اس کے علاوہ نیوزی لینڈ کے ٹرینٹ بولٹ 317 وکٹوں کے ساتھ چوتھے اور آسٹریلیا کے مچل جونسن 313 وکٹوں کے ساتھ پانچویں نمبر پر موجود ہیں۔
اس فہرست میں مچل اسٹارک کے علاوہ تمام کھلاڑی انٹرنیشنل کرکٹ سے ریٹائر ہوچکے ہیں۔
Leave a Reply