( ویب ڈیسک )کپتان قومی ٹی ٹونٹی ٹیم سلمان علی آغا نے کہا ہے کہ ورلڈکپ سے پہلے اسکواڈ میں کوئی بڑی تبدیلی نہیں دیکھ رہا۔
سلمان علی آغا نے پی سی بی پوڈکاسٹ میں گفتگو کرتے ہوئے کہا کہ سال میں سب سے زیادہ 58-57 میچز کھیلے ہیں اس لیے فی الوقت آرام کر رہا ہوں، جنوری سے اپریل تک بہت زیادہ کرکٹ ہے اس لئے اپنے آپ کو ترو تازہ رکھنا چاہتا ہوں۔
سلمان علی آغا لیگ کرکٹ نہ کھیلنے کا فیصلہ خود کیا، ڈومیسٹک ون ڈے کپ کھیلوں گا، انہوں نے کہا کہ انٹرنیشنل کرکٹ میں پریشر زیادہ ہوتا ہے، صحیح راستے پر گامزن ہیں امید ہے کہ جلد نمبر ون ٹیم بن جائیں گے۔
انہوں نے کہا کہ پچھلے چھ ماہ سے ورلڈکپ کو مدنظر رکھ کر تیاری کر رہے ہیں، ہمیں وہ کمبینیشن مل گیا ہے جس کی ہمیں تلاش تھی، ان کا کہنا تھا کہ ورلڈکپ سے پہلے اسکواڈ میں کوئی بڑی تبدیلی نہیں دیکھ رہا۔
سلمان علی آغا نے کہا کہ ہم نے پچھلے چھ ماہ ان کھلاڑیوں کو آزمایا ہے اور ان کے رولز واضح کئے ہیں، ورلڈکپ سے پہلے چھ میچز میں ان ہی کھلاڑیوں کو موقع دینا چاہیے، ایسا کرنے سے کھلاڑی کو اعتماد ملے گا اور اچھی پرفارمنس آئے گی۔
انہوں نے بابراعظم کے بارے میں بات کرتے ہوئے کہا کہ وہ میرے بہت اچھے دوست ہیں، بابر اعظم کو کبھی سمجھانے کی ضرورت نہیں پڑی، بابر کو پتا ہوتا ہے کہ وہ کہاں غلط ہیں۔
سلمان علی آغا نے کہا کہ بابر اعظم نے پچھلے سات آٹھ سالوں میں پاکستان کیلئے بہترین پرفارمنس دی ہے، آخری دو تین سالوں میں ان سے وہ پرفارمنس نہیں ہوئی جو فینز چاہتے تھے، بابر اعظم سب کی بات سنتے ہیں چاہے وہ جونیئر کھلاڑی بھی کیوں نہ ہو۔
انہوں نے کہا کہ ہم ایک دوسرے سے بطور دوست بات کرتے ہیں کبھی کپتانی بیچ میں نہیں لائے، جب میری پرفارمنس نہیں تھی تو بابر اعظم نے مجھے سمجھایا۔
کپتان ٹی ٹی ٹونٹی ٹیم سلمان علی آغا نے کہا کہ ایشیا کپ کے بعد جنوبی افریقہ ٹیسٹ سیریز سے قبل بابر اعظم نے مجھے کہا کہ فارم آتی جاتی رہتی ہے۔
Leave a Reply