(24نیوز)چیئرمین پی سی بی محسن نقوی نے ٹیم پاکستان کو سیریز جیتنے اور ٹیم سری لنکا کو دل جیتنے کی مبارکباددیتے ہوئے کہاکہ پاکستانی ٹیم نے بہترین کارکردگی اور ٹیم ورک سے سری لنکا کو فائنل میں ہرایا۔پوری سیریز میں ٹیم پاکستان نے بہترین کھیل کا مظاہرہ کیا ۔
محسن نقوی کا اپنے بیان میں کہناتھا کہ کپتان سلمان آغا، کوچ مائیک ہیسن اور تمام کھلاڑیوں کو مبارکباد دیتا ہوں،عمدہ حکمت عملی، بے مثال اتحاد اور مہارت نے قومی ٹیم کی مجموعی کارکردگی کو شاندار بنایا۔
چیئرمین پی سی بی کاکہناتھا کہ سری لنکن پلئیرز نے اپنے پیار اور خلوص سے پاکستانی قوم کو جیت لیا۔ سری لنکن کرکٹ ٹیم اور کوچنگ سٹاف کا دل کی اتھاہ گہرائیوں سے شکریہ۔ سری لنکن پلئیرز نے سیریز جاری رکھ کر پاکستانی قوم کے دل جیت لیے۔
محسن نقوی نے کہاکہ سری لنکن ٹیم نے کھیل کی اصل روح کو زندہ جاوید رکھا جو تاریخ میں ہمیشہ یاد رکھا جائے گا۔دوستی کے جذبے نے سیریز کو یادگار بنایا۔
Leave a Reply