(ویب ڈیسک) بھارت کے 2 مایہ ناز بلے باز روہت شرما اور ویرات کوہلی کا وَن ڈے کرکٹ میں خوب ڈنکا بج رہا ہے۔حریف گیندبازوں کی لاکھ کوششوں کے بعد روہت اور کوہلی رُکتے ہوئے نظر نہیں آ رہے ہیں۔ اس کا اندازہ پہلے آسٹریلیا اور اب جنوبی افریقہ کے خلاف وَن ڈے سیریز میں صاف طور پر دیکھنے کو ملا۔ جنوبی افریقہ کے خلاف تو ویرات کوہلی نے 3 میچوں میں 2 سنچری اور ایک نصف سنچری کی بدولت 302 رن بنا ڈالے۔ اس کا انعام انھیں آئی سی سی کی تازہ جاری وَن ڈے رینکنگ میں ملا ہے۔ وہ دوسرے مقام پر قابض ہو گئے ہیں۔ پہلے مقام پر روہت شرما برقرار ہیں، جنھوں نے جنوبی افریقہ کے خلاف 2 نصف سنچری کی مدد سے 3 میچوں میں 146 رن بنائے تھے۔
میڈیا رپورٹس کے مطابق کرکٹ روہت شرما اور ویرات کوہلی ٹی-20 اور ٹیسٹ فارمیٹ کو الوداع کہہ چکے ہیں، تاہم دونوں کھلاڑیوں نے ون ڈے میں کھلبلی مچا دی ہے، ویرات کوہلی جنوبی افریقہ کے خلاف بھارت کی وَن ڈے سیریز سے قبل وَ ن ڈے رینکنگ میں چوتھے مقام پر تھے۔ 3 میچوں میں ان کے ذریعہ بنائے گئے 302 رنز کی بدولت انھیں پلیئر آف دی سیریز کا انعام ملا تھا، اور اب وہ 773 ریٹنگ پوائنٹس کے ساتھ بلے بازی کی رینکنگ میں 2 مقام کی چھلانگ کے ساتھ 2 نمبر پر پہنچ گئے ہیں۔ اب ان سے آگے صرف روہت شرما ہیں، جن کے 781 ریٹنگ پوائنٹس ہیں۔ روہت شرما نے پہلے مقام پر اپنا قبضہ جمائے بیٹھے ہیں۔
No.1 ODI Team – India.
No.1 ODI Batter – Rohit Sharma.
No.2 ODI Batter – Virat Kohli.– THE ROKO ARE RULLING, THEY ARE COMING FOR 2027 WORLD CUP TO LIFT THE TROPHY. 🔥🐐 pic.twitter.com/V4AqNmmBUI
— Tanuj (@ImTanujSingh) December 10, 2025
وَن ڈے بیٹنگ کی رینکنگ کے ٹاپ-10میں 4 بھارتی کھلاڑی شامل ہیں۔ روہت شرما اور ویرات کوہلی کے علاوہ جنوبی افریقہ کے خلاف وَن ڈے سیریز کھیلنے سے محروم رہنے والے شبھمن گل نے پانچواں مقام بھارت کے وکٹ کیپر بلے باز کے ایل راہل کو 2 مقام کا فائدہ ہوا ہے، جس سے انھوں نے وَن ڈے بلے بازی رینکنگ میں بارہواں مقام حاصل کر لیا ہے۔ یعنی وہ ٹاپ-10 کی فہرست میں داخل ہونے سے چند قدم ہی دور ہیں۔
وَن ڈے بالنگ رینکنگ کی بات کریں تو جنوبی افریقہ کے خلاف یک روزہ سیریز میں بہترین گیندبازی کا فائدہ کلدیپ یادو کو ملا ہے۔ بھارتی اسپنر کلدیپ یادو نے 3 میچوں میں 9 وکٹ لے کر پوری سیریز کے سب سے کامیاب گیندباز رہے تھے۔ اس کارکردگی کی بدولت وَنڈے گیندبازی رینکنگ میں وہ تیسرے مقام پر پہنچ گئے ہیں۔ کلدیپ وَن ڈے بالرز کی رینکنگ کی ٹاپ-10 لسٹ میں واحد بھارتی بالز ہیں۔ رویندر جڈیجہ 2 مقام پھسل کر 16ویں مقام پر چلے گئے ہیں۔ اکشر پٹیل کو گیندبازی رینکنگ میں نقصان پہنچا ہے، لیکن عرشدیپ سنگھ نے 29 مقامات کی چھلانگ لگا کر 66واں مقام حاصل کر لیا ہے۔
یہ بھی پڑھیں:ون ڈے،ٹی ٹونٹی رینکنگ،شاہین شاہ آفریدی،صاحبزادہ فرحان کی ترقی
Leave a Reply