(24 نیوز) شدید دھند کے باعث میچ ختم ہونے پر شائقین نے بھارتی کرکٹ بورڈ سے رقم واپسی کا مطالبہ کردیا۔
لکھنو میں بھارت اور جنوبی افریقہ کا چوتھا ٹی ٹونٹی میچ حد نگاہ کم ہونے کی وجہ سے ختم ہوگیا۔
میڈیا رپورٹس کے مطابق ٹاس ہوئے بغیر 6 انسپکشن کے بعد میچ آفیشلز نے دھند کے باعث میچ ختم کرنے کا اعلان کیا۔
میچ ختم ہونے پر کرکٹ شائقین نے برہمی کا اظہار کرتے ہوئے رقم کی واپسی کا مطالبہ کیا۔
ایک شہری نے کہا کہ میں گندم کی 3 بوریاں بیچ کر یہاں میچ دیکھنے آیا تھا، مجھے اپنی رقم واپس چاہیے۔
ایک شہری کا کہنا تھا کہ میچ دن میں کرایا جاتا تو زیادہ بہتر ہوتا، ہمیں میچ دیکھنا تھا اب رقم کی واپسی بے معنی ہے۔
مزید پڑھیں:
دوسری جانب بھارتی میڈیا نے میچ ختم ہونے کی وجہ سموگ کو قرار دیا اور حکومت کو تنقید کا نشانہ بنایا۔
بھارتی میڈیا کا کہنا تھا کہ ٹی ٹونٹی میچز کی شیڈولنگ درست نہیں، سرد موسم میں ان علاقوں میں میچز نہیں کرانے چاہیے تھے۔
گراؤنڈ میں کھلاڑی ماسک پہنے تھے اور ائیر کوالٹی انڈیکس 400 تک تھا۔
اس کے علاوہ سوشل میڈیا صارفین نے بھی لکھنو کے وینیو اور سموگ کی وجہ سے بھارتی بورڈ کو تنقید کا نشانہ بنایا۔
Leave a Reply