قومی کرکٹ ٹیم کے سابق کپتان محمد رضوان نے کہا ہے کہ بنگلہ دیش کے خلاف سیریز کو اکثر ہلکا لیا جاتا ہے، حالانکہ وہ اپنی ہوم گراؤنڈ پر حریف ٹیموں کو سخت مقابلہ دیتے ہیں۔
بنگلہ دیش ہوم گراؤنڈ پر مشکل حریف
محمد رضوان کے مطابق بنگلہ دیش کرکٹ ٹیم اپنی سرزمین پر مضبوط کارکردگی دکھاتی ہے اور پاکستان کو وہاں ہمیشہ سخت چیلنج کا سامنا رہتا ہے۔
انہوں نے کہا کہ پاکستان کی ٹیم اس وقت تجربہ کار اور نوجوان کھلاڑیوں کے امتزاج پر مشتمل ہے، تاہم بحیثیت کھلاڑی ہمیں اپنی خامیوں کو بھی تسلیم کرنا ہوگا۔
ٹیم کی کارکردگی بہتر بنانے کی ضرورت
رضوان کا کہنا تھا کہ قوم کی توقعات قومی ٹیم سے بہت زیادہ ہیں جبکہ کارکردگی میں کمی نظر آ رہی ہے جسے بہتر بنانے کی ضرورت ہے۔
سلیکشن سے متعلق سوالات
انہوں نے کہا کہ کچھ کھلاڑیوں کو ٹیم سے باہر رکھنے کی وجہ کے بارے میں سلیکشن کمیٹی بہتر جواب دے سکتی ہے۔
ان کا کہنا تھا کہ اگر وہ اس میٹنگ میں موجود ہوتے تو اس بارے میں وضاحت کر سکتے تھے کہ کن کھلاڑیوں کو کیوں ٹیم سے باہر کیا گیا۔
کپتانی کے حوالے سے مؤقف
محمد رضوان نے کہا کہ کپتان کا کردار ٹیم بنانے میں اہم ہوتا ہے، تاہم جب تک پاکستان کرکٹ بورڈ کوئی باضابطہ اعلان نہیں کرتا وہ اس معاملے پر تبصرہ نہیں کریں گے۔
Leave a Reply