(24 نیوز)انڈین پریمیئر لیگ 2026 میں سن رائزرز حیدرآباد کے کھلاڑی ابھیشیک شرما کو ضابطہ اخلاق کی خلاف ورزی پر سزا دے دی گئی ہے۔
میڈیا رپورٹس کے مطابق بھارتی کرکٹ بورڈ نے ابھیشیک شرما کو میچ فیس کا 25 فیصد جرمانہ عائد کرنے کے ساتھ ایک ڈی میرٹ پوائنٹ بھی دے دیا ہے۔
یہ واقعہ کولکتہ نائٹ رائیڈرز کے خلاف میچ کے دوران پیش آیا، جہاں کھلاڑی نے میدان میں نامناسب زبان استعمال کی، جو سٹیڈیم میں موجود تماشائیوں اور نشریات کے ذریعے بھی سنی جا سکتی تھی۔
رپورٹس کے مطابق یہ خلاف ورزی آئی پی ایل کے ضابطہ اخلاق کی شق 2.3 کے تحت آتی ہے، جس میں ایسی زبان یا رویے پر پابندی عائد ہے جو توہین آمیز یا غیر مناسب ہو۔
رپورٹس کے مطابق ابھیشیک شرما نے اپنی غلطی تسلیم کر لی، جس کے بعد میچ ریفری کی جانب سے دی گئی سزا کو حتمی قرار دیا گیا۔
واضح رہے کہ مذکورہ میچ میں ابھیشیک شرما نے عمدہ بیٹنگ کا مظاہرہ کرتے ہوئے 21 گیندوں پر 48 رنز بنائے۔
ان کی کارکردگی کے باوجود ضابطہ اخلاق کی خلاف ورزی نے ان کی کارکردگی کو پس منظر میں دھکیل دیا۔
مزید پڑھیں:قذافی سٹیڈیم میں کراچی کنگز اور پنڈیز کا میچ ؛ پنڈیز کے197رنز، کنگز کی 5 وکٹوں سے جیت
Leave a Reply