(محمدانگاریا)اولمپک ریکارڈ ہولڈر گولڈ میڈلسٹ ارشد ندیم نے مسلسل دوسری بار نیشنل گیمز میں گولڈ میڈل جیت لیا۔
ارشد ندیم نے 35 ویں نیشنل گیمز میں جیولن تھرو ایونٹ میں81.81 میٹر کی تھرو کرکے گولڈ میڈل اپنے نام کیا۔
پاکستان واپڈا کی نمائندگی کرنے والے ارشد ندیم کے قریبی حریف اور اسلامی یکجہتی گیمز میں سلور میڈل حاصل کرنے والے یاسر سلطان نے70.77 میٹر کی تھرو کے ساتھ دوسری پوزیشن لیکر سلورمیڈل پر قبضہ کیا، یاسر سلطان کا تعلق بھی پاکستان واپڈا سے ہےجبکہ پاکستان آرمی کے محمد ابرار نے 68۔67 میٹر دور نیزہ پھینک کر تیسری پوزیشن کے ساتھ برانز میڈل اپنے نام کیا۔
اولمپین ارشد ندیم نے گولڈ میڈل جیت کر اپنے اعزاز کا کامیاب دفاع کیا، ارشد ندیم نے گزشتہ سال کوئٹہ میں ہونے والی 34 ویں نیشنل گیمز میں78.01 میٹرز دور نیزہ پھینک کر پہلی پوزیشن حاصل کی تھی۔
یہ بھی پڑھیں:بنگلہ دیش کے سابق کپتان شکیب الحسن کا جان بوجھ کر غیر قانونی ایکشن سے باؤلنگ کا انکشاف
ارشد ندیم پہلے ہی اگلے لاس اینجلس اولمپکس 2028 کے لیے کوالیفائی کر چکے ہیں، جیولن تھرو کے پہلے مرحلے میں 16 ایتھلیٹ شریک ہوئے جن میں سے 8 نے دوسرے مرحلے میں جگہ بنائی، ارشد ندیم نے پہلی تھرو میں 78.4 میٹر دور نیزہ پھینکا، ان کی دوسری تھرو 77.77 میٹرز رہی جبکہ انہوں نے تیسری تھرو میں 81.81 میٹر دور نیزہ پھینکا۔
Leave a Reply