وزیراعلیٰ خیبرپختونخوا Suhail Afridi نے بانی چیئرمین Pakistan Tehreek-e-Insaf Imran Khan کی رہائی کے لیے ’’بانی رہائی فورس‘‘ بنانے کا اعلان کر دیا۔
Supreme Court of Pakistan کے باہر میڈیا سے گفتگو کرتے ہوئے سہیل آفریدی کا کہنا تھا کہ انہیں بانی پی ٹی آئی کی جانب سے اسٹریٹ موومنٹ کی ذمہ داری سونپی گئی ہے۔ انہوں نے الزام عائد کیا کہ عدالتی احکامات کو نظرانداز کیا جا رہا ہے اور بانی پی ٹی آئی کو ذاتی معالجین تک رسائی فراہم نہیں کی جا رہی۔
انہوں نے اعلان کیا کہ ’’بانی رہائی فورس‘‘ کی باقاعدہ رجسٹریشن کی جائے گی اور یہ فورس پرامن جدوجہد کرے گی۔ سہیل آفریدی کے مطابق عید کے فوراً بعد 22 فروری کو پشاور میں فورس کے اراکین سے حلف لیا جائے گا۔ انہوں نے کہا کہ فورس کا باقاعدہ چین آف کمانڈ ہوگا اور عمران خان جسے ذمہ داری دیں گے وہی اس فورس کی قیادت کرے گا۔
وزیراعلیٰ خیبرپختونخوا نے کہا کہ ’’پہلے تیاری کریں گے پھر جدوجہد کریں گے، یہ لڑائی جمہوریت، آئین کی بالادستی اور آزاد میڈیا کے لیے ہوگی۔‘‘
ایک سوال کے جواب میں سہیل آفریدی کا کہنا تھا کہ پی ٹی آئی میں جو لوگ انہیں ہٹانے کی خواہش رکھتے ہیں وہ جان لیں کہ عزت اور ذلت اللہ کے ہاتھ میں ہے۔ انہوں نے کہا کہ انہیں ہٹانے سے متعلق پیغامات کے بارے میں بانی پی ٹی آئی کی بہنوں سے پوچھا جائے۔
سہیل آفریدی نے سپریم کورٹ کے باہر بانی پی ٹی آئی عمران خان کی رہائی کے لیے ’’رہائی فورس‘‘ بنانے کا اعلان کیا۔ انہوں نے کہا کہ فورس پرامن جدوجہد کرے گی اور 22 فروری کو پشاور میں اس کے اراکین سے حلف لیا جائے گا۔
Leave a Reply