وزیراعلیٰ مریم نواز نے پاکستان کی پہلی ای ٹیکسی اسکیم کا افتتاح کردیا، پہلے مرحلے میں 1100 الیکٹرک گاڑیاں، خواتین کے لیے 30 فیصد کوٹہ اور ڈاؤن پیمنٹ میں حکومتی معاونت شامل۔
وزیراعلیٰ پنجاب مریم نواز نے پاکستان کی تاریخ میں پہلی بار متعارف کرائی جانے والی ای ٹیکسی اسکیم کا باقاعدہ افتتاح کر دیا۔
پہلے مرحلے کی تفصیلات
حکومتی اعلامیے کے مطابق پہلے مرحلے میں 1100 الیکٹرک گاڑیاں (ای وہیکلز) فراہم کی جائیں گی۔ اسکیم میں خواتین کو بااختیار بنانے کے لیے 30 فیصد کوٹہ مخصوص کیا گیا ہے، جبکہ خواتین ڈرائیورز کے لیے مخصوص گاڑیوں کا رنگ بھی الگ ہوگا۔
مالی سہولت اور حکومتی معاونت
-
مرد ڈرائیورز کے لیے 50 فیصد ڈاؤن پیمنٹ حکومت ادا کرے گی۔
-
خواتین ڈرائیورز کے لیے 60 فیصد ڈاؤن پیمنٹ حکومت پنجاب برداشت کرے گی۔
-
گاڑیوں کی رجسٹریشن، فٹنس ٹیسٹ اور ٹوکن ٹیکس کی فیس بھی حکومت ادا کرے گی۔
-
باقی رقم پانچ سالہ آسان اقساط میں ادا کی جائے گی۔
حکومت پنجاب کے مطابق اس اسکیم کا مقصد ماحول دوست ٹرانسپورٹ کو فروغ دینا، روزگار کے نئے مواقع پیدا کرنا اور خواتین کی معاشی شمولیت کو مضبوط بنانا ہے۔
Leave a Reply