( 24نیوز)شام کے پونے سات ہو گئے، قذافی سٹیڈیم میں آئی یو اور پی زی کے میچ کا ٹاس نہیں ہو سکا۔ بارش نے پی ایس ایل الیون کے اہم میچ کے آغاز میں تاخیر کروا دی۔
آج شام بارش ہونے کے سبب قذافی سٹیڈیم کی گراؤنڈ اور وکٹ کو پلاسٹک شیٹس سے ڈھک کر رکھا گیا ہے۔
شام ساڑھے چھ بجے شیڈول کے مطابق اسلام آباد یونائٹڈ اور پشاور زلمی کے کیپٹن ٹاس کے لئے میدان مین ہونا چاہئے تھے لیکن ایسا نہیں ہوا کیونکہ بارش بدستور جاری ہے۔
قذافی اسٹیڈیم پر کبھی تیز کبھی قدرے کم بارش کئی گھنٹوں سے برس رہی ہے۔ وکٹ اور گراؤنڈ اب تک کھیل شروع کرنے کے لئے محفوظ ہیں لیکن ایسا تب ہی ممکن ہے جب بارش رک جائے۔
یہ بھی پڑھیئے: بال ٹمپرنگ، فخر زمان پر دو میچوں کی پابندی عائد
قواعد کے مطابق میچ کا ٹاس کھیل کے آغاز سے تیس منٹ پہلے ہوتا ہے۔
میٹ آفس لاہور اور گرد و نواح کے علاقوں میں آج مزید بارش کا امکان ظاہر کر رہا ہے۔
Leave a Reply