(ویب ڈیسک)آسٹریلیا نے پہلے اوور 40 ٹی20ورلڈکپ کا ٹائٹل جیت لیا۔ فائنل میں پاکستان کو شکست ہوگئی۔
آسٹریلیا نے پیر کو نیشنل کرکٹ سٹیڈیم میں کھیلے گئے فائنل میں پاکستان کو 7 وکٹوں سے شکست دے کر آئی ایم سی اوور 40 ٹی ٹوئنٹی کرکٹ ورلڈ کپ 2025 کا ٹائٹل اپنے نام کر لیا۔
نیشنل سٹیڈیم کراچی میں کھیلے گئے فائنل میں آسٹریلیا نے یکطرفہ مقابلے کے بعد کامیابی حاصل کی۔
151 رنز کے ہدف کے تعاقب میں آسٹریلیا کے سٹیو ناٹل نے 40 گیندوں پر 47 رنز سکور کیے جبکہ سٹیون پالسن نے 34 گیندوں پر 42 قیمتی رنز جوڑے جب کہ میچ کے آخری لمحات میں ناصر جلیل نے صرف 10 گیندوں پر 25 رنز کی جارحانہ اننگز کھیل کر آسٹریلیا کی فتح یقینی بنا دی۔
پاکستان کی جانب سے فواد عالم نے بہترین بولنگ کا مظاہرہ کرتے ہوئے 16 رنز کے عوض 2 وکٹیں حاصل کیں لیکن وہ ٹیم کو فتح دلانے میں کامیاب نہ ہو سکے۔
اس سے قبل پاکستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 9 وکٹوں پر 150 رنز سکور کیےتاہم آسٹریلیا کے مارک کلیری نے شاندار بولنگ کرتے ہوئے 22 رنز کے عوض 5 وکٹیں حاصل کیں اور پاکستان کو کھل کر کھیلنے نہ دیا۔
پاکستان کی جانب سے ندیم جاوید (24) فواد عالم (24) اور عبدالرزاق (19) نے مفید اننگز کھیلیں مگر پوری ٹیم 20 اوورز میں 150 رنز بنا سکی۔
آئی ایم سی اوور 40 ٹی ٹوئنٹی کرکٹ ورلڈ کپ 2025 میں 12 بین الاقوامی ٹیموں نے حصہ لیا جبکہ مجموعی طور پر 42 میچز کراچی کے مختلف مقامات پر منعقد ہوئے۔
یہ بھی پڑھیں : سابق انگلش کرکٹر معین علی بھی آئی پی ایل چھوڑکر پی ایس ایل کھیلنے کیلئے تیار
Leave a Reply