(24 نیوز) سری لنکا کے خلاف ٹی ٹونٹی سیریز کے فائنل میچ میں بابراعظم 3 کیچ پکڑ کر ٹی ٹونٹی فارمیٹ میں پاکستان کی جانب سے سب سے زیادہ کیچ پکڑنے والے فیلڈر بن گئے ہیں۔
بابراعظم فخر زمان کو پیچھے چھوڑتے ہوئے 60 کیچز کے ساتھ پہلے نمبر پر آگئے ہیں جب کہ فخز زمان 57 کیچز کے ساتھ دوسرے اور شعیب ملک 50 کیچز کے ساتھ تیسرے نمبر پر ہیں۔
بابر اعظم نے پاکستان کی جانب سے سب سے زیادہ انٹرنیشنل میچز میں کیچز لینے والے کھلاڑیوں میں سابق کپتان شاہد آفریدی کو بھی پیچھے چھوڑ دیا ہے۔
بابر اعظم نے یہ اعزاز راولپنڈی میں سری لنکا کے خلاف سہ ملکی ٹی ٹونٹی سیریز کے فائنل میں کوشل مینڈس کا کیچ پکڑ کر حاصل کیا۔
فائنل میچ میں بابراعظم نے 3 کیچ پکڑے اور 170 انٹرنیشنل کیچز کے ساتھ شاہد آفریدی کو پیچھے چھوڑا جنہوں نے اپنے کریئر میں167 کیچ کیے۔
فہرست میں پہلے نمبر پر سابق کپتان یونس خان ہیں جنہوں نے 281 کیچ کیے ۔
مزید پڑھیں:ورلڈ کپ کیلئے اب پوری طرح تیار ہیں: سلمان علی آغا
دوسرے نمبر پر سابق کپتان انضمام الحق ہیں جنہوں نے اپنے کریئر میں 194 کیچ کیے جب کہ شاہد آفریدی تیسرے سے چوتھے نمبر پر آگئے ہیں۔
Leave a Reply